महत्त्वाची प्रमाणपत्रे डाउनलोड करण्याची सुविधा (उदा. जन्म प्रमाणपत्र, उत्पन्न प्रमाणपत्र)
शासकीय योजनांची माहिती मिळवण्याची सोय
ST महामंडळाच्या बस तिकिटांचे बुकिंग
तक्रारी नोंदवणे आणि त्यावर त्वरित कारवाई

WhatsApp वर “आपले सरकार” चा वापर कसा कराल?
“आपले सरकार” हा AI-आधारित Chatbot मराठी, हिंदी आणि इंग्रजी अशा तीन भाषांमध्ये उपलब्ध असेल.
नागरिक टेक्स्ट किंवा व्हॉइस कमांडच्या माध्यमातून सहज संवाद साधू शकतील.
एका क्लिकमध्ये हवी ती माहिती मिळवता येईल आणि गरजेची कागदपत्रे डाउनलोड करता येतील.
बस प्रवास करणाऱ्या प्रवाशांसाठी ST महामंडळाच्या तिकिट बुकिंगची सुविधा असणार आहे.
मुख्यमंत्री देवेंद्र फडणवीस यांनी सांगितले की, “ही नवी सेवा म्हणजे महाराष्ट्र सरकारच्या डिजिटल परिवर्तनाचा महत्त्वाचा टप्पा आहे. जनतेपर्यंत सेवा पोहोचवण्यासाठी जनरेटिव्ह AI (GenAI) चा वापर करण्यात आला आहे. Meta च्या सहकार्याने महाराष्ट्र सरकारने “Llama” नावाच्या AI तंत्रज्ञानावर आधारित मोठ्या प्रमाणावर सेवा सक्षम केल्या आहेत.”
ही नवी WhatsApp सेवा सुरू झाल्यानंतर नागरिकांना सरकारी कार्यालयांमध्ये चकरा मारण्याची गरज भासणार नाही. सरकारी सेवा आता एका क्लिकवर मिळणार असून, यामुळे वेळ आणि पैशांची बचत होणार आहे. तुम्हीही WhatsApp वापरत असाल, तर लवकरच तुमच्या मोबाईलवर या सुविधांचा लाभ घेता येणार आहे.