भारतीय सेनेत शॉर्ट सर्विस कमीशन (SSC)अंतर्गत ही भरती केली जाणार आहे. अविवाहीत महिला आणि पुरुष या नोकरीसाठी अर्ज करु शकतात. इंजिनियर ग्रॅज्युएट पदांसाठी ही भरती जाहीर करण्यात आली आहे. या नोकरीसाठी इच्छुक उमेदवारांनी अर्ज करावेत भारतीय सैन्यातील या नोकरीसाठी अर्ज करणाऱ्या उमेदवारांनी joinindianarmy.nic.in या वेबसाइटला भेट द्या. या नोकरीसाठी अर्ज करण्याची शेवटची तारीख ५ फेब्रुवारी २०२५ आहे.

भारतीय सैन्यात ३८१ रिक्त पदांसाठी भरती करण्यात येणार आहे. या नोकरीसाठी इच्छुक उमेदवारांनी लवकरात लवकर अर्ज करावेत.सिविल इंजिनियर, कॉम्प्युटर सायन्स, इलेक्ट्रिकल इंजिनियर, इलेक्ट्रॉनिक्स इंजिनियर, मेकॅनिकल, मिसलेनियस इंजिनियरिंग स्ट्रीम या पदांसाठी ही भरती केली जाणार आहे. ३०० पेक्षा अधिक पदांसाठी उमेदवारांनी अर्ज करावेत.भारतीय सैन्यात नोकरीसाठी अर्ज करणाऱ्या उमेदवाराचे वय २० ते २७ वर्षे असावे.या नोकरीसाठी अर्ज करणाऱ्या उमेदवाराने इंजिनियरिंग पूर्ण केलेले असावे किंवा ते इंजिनियरिंगच्या शेवटच्या वर्षाला असावे.

या नोकरीसाठी निवड झाल्यावर उमेदवारांना ५६,१०० ते २,५०,००० रुपये पगार मिळणार आहे.या नोकरीसाठी तुम्हाला कोणतीही परीक्षा द्यावी लागणार नाही. तुमची निवड शैक्षणिक पात्रतेनुसार होणार आहे. निवड झालेल्या उमेदवारांची ट्रेनिंग होणार आहे. त्यानंतर शेवटी त्यांची निवड केली जाणार आहे.