प्राप्तिकर विभागाच्या अखत्यारित असलेल्या केंद्रीय प्रत्यक्ष कर मंडळाने लाडकी बहीण योजनेतील लाभार्थी महिलांची आपल्याकडील माहिती उपलब्ध करुन देण्यास मान्यता दिली आहे. त्यामुळे लाडकी बहीण योजनेतील लाभार्थ्यांच्या व्यापक छाननीचा मार्ग मोकळा झाला आहे. इन्कम टॅक्स विभागाकडून सर्व डेटा दिला जाणार आहे. या डेटाच्या आधारावर 2.5 लाखांहून अधिक उत्पन्न असलेल्या महिलांची यादी तयार करण्यात येणार आहे. या महिलांना मिळणारा लाभ बंद केला जाणार आहे.

लाडक्या बहिणींना दरमहा 1500 रुपये राज्य सरकारकडून देण्यात येत असतात. पात्र महिलांच्या बँक खात्यात थेट डीबीटी मार्फत पैसे जमा होत असतात. आतापर्यंत एकूण 11 हप्ते लाडक्या बहिणींना देण्यात आले आहेत. आता जून महिन्याचा 12वा हप्ता लाडक्या बहिणींना मिळणार आहे.